影视演员宁静结婚里马

单说宝玉性子甚急，一心早与十三旦相会，以了相思之债，故当晚便嘱咐阿珠，叫他去问茶房，此间有多少戏园？可有十三旦这个角色？现下在何处做戏？须要问得详细，前来回话。阿珠答应自去，少停进房回覆道：“我去问格格茶房，俚说间搭戏馆勿少，要打听十三旦做格一爿末，叫啥格同乐戏园。十三旦格名字着实红得极格，时常到内廷去做戏，还有王公大老笃叫俚去，格落戏馆里向，一个月不过十日八日，勒浪台浪串串，倪故歇要去寻俚，恐怕论勿定日脚格。”宝玉道：“怪勿道俚勿回上海来，实梗红法勒海。阿曾问俚住勒啥场化介？”阿珠道：“我也问格，俚回头我勿晓得，我就进来哉，勿然，倪打听着仔住处，我搭金姐到俚屋里，格是蛮容易捉牢格。”宝玉道：“啥能格懂，想勿出念头格佬！俚勿勒浪做戏末，倒有点难寻格，既经勒同乐登台，倪只要问戏馆里就晓得哉，况且一个月有几日上台，即使难为情问别人，倪好日日去看戏，终有一日碰着俚格面，等俚卸仔妆下来，难末唔笃过去邀俚，说奴住勒啥场化，专为仔俚勒进京格，俚听见仔末，自然到奴寓来碰头哉。”阿珠与阿金听了，均说：“蛮好，倪明朝就去看戏，横势呒啥事体勒里做，落得去白相相，散散心，作兴碰巧，齐头俚勒浪做戏，也未可知格。”三人计议已定，夜膳后各早安睡，究竟路途辛苦，彼此倒头便着。一宵晚景休提。